[品味人間]
自從西港島線，西環覓食又方便左好多！眾所周知，西環有好多好正嘅餐廳，好多環境仲好靚添！
呢間餐廳係中環都有分店，但相比之下，西環可能由於比較少人，所以環境感覺上寬敞好多！佢既食物都有特色，例如前菜Guacamole Dip, 以香脆既脆片配以牛油果醬同辣醬，雖然脆片味道清淡，不過又唔油膩，好開胃！至於個蝦，炸得好香，加埋個酸辣汁，好惹味，好有泰式既感覺！
扒，燒雞都係例牌菜！想試特別啲既野就要試下佢地bao! 姐係我地叫既包! 佢感覺有小小似pret既wrap, 呢款豬肉既pork belly bao，不過中間夾既就有小小似日式醬油既豬肉，好香甜！不過佢呢款pasta就真係麻麻地。佢既質感又淋，個味又酸酸地，好似好怪怪咁！
至於side dish, 必試個white truffle oil chips! 松露味好香！簡直係好食到停唔到呀！
呢間餐廳其實唔算貴，人均消費大係HKD$300，都算合理咖！
Tivo
西環堅尼地城海旁33號
Search